اي جاجا بي عشرة

اي جاجا بي عشرة
  • الايام دي الشعب السوداني خفة جيبو جابتلو خفة دم
  • ست شاي قال ليها واحد شرب عندها قهوة ليه بي عشرة
  • قالت ليه مش قلت عاوز معاها دواء
  • الدواء بقي اغلي من البطولة الخارجية
  • البطولة الخارجية في ناس الا تسمع بيها سمع
  • ناس جاجا
  • ده حاحا بس نقطوه
  • والله لما شفنا صوروا قلنا نيمار في البراظيل تاني الا كنبة
  • تغاضينا عن كبر سنو وعلبة بخاخ الازمة
  • قلنا الناس دي مساكين نخليهم يفرحو
  • لكن ناس الطيب عبده الله ناس بكا
  • الطيب الفنان مش البابا
  • بتاع عود لينا يا ليل الفرح
  • داوي القليب الانجرح
  • طول عمرو ناسيهو الفرح
  • جاجا طلع ولا حاجة
  • عنده تلاتة ركب بايظة
  • قالوا ما مشكلة
  • عنده فضروف في كل الفقرات
  • وشلل رعاش
  • قالوا يتسجل
  • قال ليهم ب 500 الف ضورار
  • قالوا ليه بطل هظار
  • منين يا حسرة
  • كان عندنا ما كان النقر اخوان اشتكونا
  • النقر جا جا
  • هي اصلا النقر جا
  • وما دام هم اتنين نقر
  • يبقي نقر جا ونقر جا
  • يبقي نقر جاجا
  • رياضيات والا غلاط
  • ركزوا علي قنبلة اوكرا
  • زي قنلة الدافي وايفوسا
  • البايظ بتاع المريخ
  • الفائض عن الحاجة
  • وعلي قول محجوب شريف
  • الكبرت عليك
  • والفاض عن الحاجة
  • المنسي في الدولاب
  • والجوة تلاجة
  • الفي الزقاق مركون
  • فردا وازواجا
  • الكرسي في الحمام
  • المبمبر المكسور
  • او باقي دراجة
  • لكن ناس كردنه بقوا معانا زي بتاعين الخرد
  • الله يرحم زمان ازول الراكب الحمار ويكورك
  • الما شوالات المعا جركانات
  • لكن جاجا ما قالو بجي مالو ما جاجا
  • قنبلة جد لكن

……..

  • بدأ المريخ معسكره وفكر في معاقبة المتخلفين وناس لسه ما عارفين مين الجاي ومين الفات
  • شوفو شبيبة القيروان يمكن تلقوا فيها واحد اصابته خفيفة

……..

  • اري ان المريخ يحتاج بشدة لتفعيل اللائحة ولاخذ اللاعبين بالشدة فيها…اري ان المريخ سيفقد الكثير ان ترك الحبل علي القارب ولم يتعلم من التجارب..ان راجي مثلا قد استنفذ كل فرصة..كما ان جمال سالم قد استمرأ الغياب المتكرر…لابد من توضيح هذه الامور للاعبين…وليس هناك كبير علي المريخ..

…….

  • مسكين الشغيل من لقب جمل الشيل في الهلال الي اعارة شبه شطب في عروس الرمال…حتي كاريكا المسكين لا يعرف شهر ستة اين يكون

مقالات ذات صله