ترباس مشي يشرب لقاها تعادل

ترباس مشي يشرب  لقاها تعادل

وحاتك يا حبيب الروح  دموعك انت غالية علي

وكت تنزل على خديك كأنها سايلة من عيني

بتحفر في قليبي عميق تزيد ألمي وجروحي البي

وتنزل في مسارب الروح وتسرق من عيوني الضي

(عبد الرحمن عثمان المحامي)

  • لعب المريخ أول أمس امام قورماهيا الكيني
  • في كاس السياحة البورتسوداني
  • اقصد مع الاتحاد السكندري
  • الواحد قورماهيا دي معلقة معاه في مهرجان السياحة ما عارف ليه
  • المهم
  • المريخ الشوط الاول كان سيئاً جدا
  • أسوأ من الهلال أمام سورب ديب العجيب
  • واللا هو في مصر لعب مع منو
  • شوط أول معسم شديد
  • لـأن هاي أبعد لاعبين من التشكيلة
  • ملعب المباراة كان ممكن يبعدهم
  • خصوصا ولدنا المصاب الغربال
  • ياخي ده مصاب إصابة
  • الشوط الأول ابراهيم جعفر عمل فيه عمايل
  • أفضل من يستلم ويقلع ويدي الخصم
  • بحب يراوغ في خانة عاوزة روقة
  • إبراهيم لعاب لو لقي توجيهات
  • قووم يا المريخ اتغلب 2 صفر
  • الاتنين دي اخدها الهلال من فريق النصر في رابطة العتبة
  • اخدها زمااان من الاهلي القاهري وقالوا لاراش
  • فكروا يعملوا مباراة في الامارات
  • عملوها
  • برضو اخدو اتنين
  • الله يرحمك يا لاراش ويرحم زكي جمعة
  • الكورة اتنين للسكندري وهلال للمريخ
  • اتنين صفر يعني
  • والدماعة يفركوا في يديهم
  • والجريدة الماشة المطبعة وقفوها
  • المريخ مغلوب يعني مانشيتات كبرى وصفقة ومعنويات
  • قوووم يا غربال يا جاي من الهلال خش
  • حاو خش عديل كده
  • الود ده اصابتو مضمونة
  • مش القون اسمه اصابة واللا انا غلطان
  • زمن علي الحسن مالك بقول ليك احرز فلان الاصابة الاولي
  • اتاريهو محمد عبد الرحمن عنده الإصابة مش الإصابة
  • سنة يا كديابا
  • دخل الغربال وبرد الجو
  • واحرز المصاب إصابة
  • ألح الحاحا
  • العجب بعديهو أصر إصرارا
  • قون العجب الفي التمانيات أحبط الدماعة
  • واهبط نيل شندي للدرجة الأولي
  • ليه يا اتحاد يا ظالم تهبط النيل
  • وده موضوع آخر
  • علشان ما أمل ومن عطبرة يعني
  • ولا علشان ما أمل ومن عطبرة
  • ولا يمكن ما أمل ومن عطبرة
  • علي العموم ميدو دوت كوم موقع جميل
  • هدفيو هدفيو هدفيو عجبكو دوت كوم موقع كوم براه
  • الباك الشمال بتاع السكندري بقي زي ال80 في المية
  • متهم بالارهاق
  • ومباراة الأربعاء في استاد المريخ حديث آخر
  • وجمهور آخر
  • تري متي نشاهد فريقا يهدي الكؤوس لمنافسيه غير المريخ
  • رفض القرعة بسرعة
  • مليان كؤوس وبطولات
  • خصوصا الجويات
  • يعني شنو يجيب من بورتسودان كاس جوية
  • قبل كده جاب واحد من جوبا
  • اتذكرين صغيرتي اوتذكرين
  • و
  • قالوا ترباس فاتها اتنين للاتحاد مشي يشرب
  • جاء راجع لقاها درون

مقالات ذات صله