حبك النساني والدي

حبك النساني والدي

الدفيفيق الدابو ني …البسيمتو بتكويني كي

اهلو ضنو عليو وعلي …حبك النساني والــــــدي

ما بخليك ان بقيت حي…يا قصيبة السكر الني

والله لم أجد مثل الدماعة  من يحبون الشماعة

ويمردنون الإشاعة

والمردنة يعني يخلوه ماردونا

والإشاعة هو الكيشة في لغة أهلنا في الجزيرة

بالرجوع للعنوان  وهو للمبالغة في حب المحبوب

يعني زول ينسيك أمك وأبوك لازم بكون حبو شديد

لكن لما تقول نساني والدي معناه إنت ما نسيتهم

امس كل الدماعة الـ20 منهم والـ80  في توزيع كردنة وفطومة

طلعوا بتكلموا عن محمد عبد الرحمن

نسوا الهلال واتكلموا عن الغربال

غربال الملايين

المكابر فيهم قال انه جماهير الهلال بشلش نست الغربال

معناها الغربال ما اتنساش

والكلام ده ما عاوز نقاش

واختاروا

أما تالق شاش او شلش

ما عاوزين نقول انه الغربال احسن من كل النجوم السجلهم المريخ

فالصاوي عامل ليهم مشاوي

وعاشور حاميهم الفطور

ومحمد الرشيد لعاب شديد

ولكن الغربال مع العقرب حارة عليهم

المريخ شال السيدة وحرم

المريخ ظلم

خلاها هناك صي

دمازين وجريف وكبار سن

وتن ترن تن

غنوا معانا

الصغيرونة ام الجنا…يا كريم ربي تسلما

تبعد الشر من حلتا…تحفظ الام الولدتا

الفي جبل عرفات وضعتا…تسلم البطن الجابتا

دي ترباية حبوبتا….التميرة الفي صبيتتا

الصفار سابق خضرتا….معذورة أمها كان دستا

واهلاكي الناس شافتا…معذباني انا ود حلتا

القمر بوبا عليك تقيل

وعن الغربال نجن نحكي

ودماعة تبكي

من الظلم ان يقارن لاعبهم الجديد بالغربال

شغالين يقارنوا

الغربال قطع المحيط لاوربا الاتيام السودانية

هسي الناس تخاطر بالبحار والحاويات ليه

مش عشان وضع افضل هناك

ناس العرضة شمال بخاطروا في قطع شارع العرضة

نحو مريخ برلين وباري(ز)

وندي جكسا حقو

كما ادينا العقرب

كلما قلنا عنه الجميل قدم الروائع

وتشقلب

عمل محطة شقلبان عندنا عديل كده

مع جكسا وكلتش عملوا محطة البابل

خليكم مع شيبوب ولفة جوبا

معطوب مع ابراهيم مشطوب

بالطريقة دي الشافهم في بطولة جيم ما كضب

ده لوما جزر القمر عملت بطولة ياء معرجة

لا بلاقوا في الترجي لا الرجاء

ما ورونا اصابة الغربال وين

والله بالشفناه ده الا يكون (مشوكش)

غنوا معانا

المبارك شيخ الظهر …العليك ساسقت وفتر

قلي جنيت ولا دستر….أي انا المرضان مكندر

جابو لي حكيم خير وشر…قال لي يازول مرضك كتر

سببك ام شلاخاً خدر…يا قمر بوبا عليك تقي

مقالات ذات صله