رجل المستحيل

رجل المستحيل

يا ود ديم المشايخة حركتك بايخة

بكري اتصور مع كردنة ووقع للمريخ قلنا ما مشكلة..عمل جلحات قلنا بسيطة…غلب الترجي قلنا ماشي…هرس الجزائر قلنا نفوتها ليه… امس يقوم يجيب 3 من 4 كمان… اصلو ما عاوز يخلي حركاتو دي..

……………

مدرب معلم وجمهور معلم

غارزيتوفي مدرب هناك معلم الله…يخربو…مش زي غرزة ..غرزة غير في مباراة عزام مهاجم ودخل ضفر الجمهور هاج وماج ..اول لمسة جوة الشبكة…اول امس طلع محمد عبد الرحمن ..الناس منتظرة كلتشي دخل التكت..او لمسة قون… جمال الوالي قالوا اهداه اي فون 4…ده جهاز جديد لنج.

الجمهور المعلم  كمان عمل عمايل … سعة الاستاد 50 وهو للسبعين شايل… عملوا غبار فوق الاستاد…ساعد المريخ بافضل من غبار الدمازين.

*كتل الريمونتادا وخم بيضها

قلنا برشلونا رجعت..قالوا ديك برشلونا…قلنا مافي فرق… الجمهور في  اي حاجة في… وجمهور المريخ ان صمم الخصم اتدمم… سبعين ألف متفرج  والحب ظاهر ومتبرج…في شوط عادلوا النتيجة…الشوط الثاني جاء للبغلب بس… في ناس في الليدو ما بتخرج كلابها الاربعة.

……………

الاهداف الاربعة ومصر المؤمنة

التكت يحرز هدف الامانالواحد زي العايز يهدي عاشور الأدهم بمناسبة الاربعة دي قصيدة مصر المؤمنة بس خايف علي مشاعر رمضان…يقوم يقول قاصدنو والا حاجة…الاهداف الاربعة.. تدخل في اربعة ونضيع في اربعة …  الادهم كان ادهم صبري بس رجل المستحيل وفي لحظة كان قد ركل اقرب الحراس اليه وبقفزة مدهشة امسك بالثاني قبل ان يطيح بمسدس الثالث ثم يرسل راسية الي الرابع و… في لحظة كان قد أسقطهم جميعاً.

……………..

الدما(زين)  وخليك سوداني

الليلة بس عرفنا الهلال هرب من الدمازين ليه..عمار الدمازين ده بتصرجو ده ممكن يعوق ليهم اللعيبة…مكسيم قالوا عملوا معاه حوار في الكاميرون قال الدمازين اخطر مهاجم واجهو… قال ليهم الكورة في السودان غريبة خلاص..اول مرة اشوف مهاجم الخصم بسافر معانا ويتمرن معانا ويعسكر معانا … غايتو في المجموعات  مفروض الحكومة تتدخل وتحظرو من السفر

…………….

حدث ولا حرج

الكاردينالامس لما سمعت كوراك دماعة الجريدة بعد زنقة الاتنين من اضعف فريق في افريقيا واسيا واستراليا  قلت الناس دي مع الترجي بتعمل شنو…اتذكرت حدث ولا حرج  بتاعة كردنة.

……………….

غرفة المخدرات

قال لزميلو هو الحشيش حرام والا حلال

قال ليه اذا حرام اهو بنحرقو واذا حلال اهو بنشربو…  كردنة قال غرفة المخدرات عوضا عن غرفة فحص المنشطات… الزول ده مفروض يعملوا ليه دوبلاج زي مسلسلات زي ألوان …

………………..

لوحة

الصفوة كانت في الميعاد والاحمر الوهاج قدل…ما اروع هذا النشيد ..لحنا واداء وكلمات… بني علي وقائع مش أمنيات .

كما ان قصيدة الزبير لبت فرح تبقي مع اليازة كرف شرف لكل مريخي..وذاك عمر محمود خالد يكتب الخوالد وجاء من بعدهم كثيرون يطرزون شالا وتعطي الشاعرات شبالا لهذا الاحمر العاتي..تلك ريهام..وهذه داليا.. وغيرهن .

…………..

دوحة

مزمل ابوالقاسم3التقدير كله لمجلس ادارة نادي المريخ وهو يوفر للاعبين والفريق كل سبل الراحة ويسهر لأجل هذه الافراح..لدموع متوكل شكرا..لكرم ابو المزمل الفادني..للمزمل وهو يحقق مقولة مطر العافية حيثما وقع نفع..للحاج عصام ورمرم..وصمد واحمد عباس والباقين كلهم …

……………

لافتة

نعم نستطيع…كتبها الصفوة الاغلبية قبلا ..ولم ينزلونها عند الكبوة..لانهم وصلوا الي القمة…وضعوا علمهم عليها… ايفرست وهملايا وامازون … الله لي ناس القيزان ..اخوانا والجيران.

……………..

الدرون تيم

عادت ريما لقديما… خفنا أن يعصف فريق بهذا الضعف البائن بالهلال…صحيح ان الهلال لا يطمئن وانه فاز هنا باهداف مشكوك في صحتها من تسلل ولمسة يد لكنه يبقي وصيف المريخ ولا ينبغي ان يخرج هكذا.

××××

يافطة

لسعدية عبد السلام

\\\\\\\\\\\\\\\\\\

هيثم صديق:

قلام.  الفقر.  ياهو.  الزعيم.  عارفنو

دواس. الخصم.  ساعة المحاص راجنو

كسا ر. الرقاب.  اختوهو ابعدو.    منو

ما.  غاب الزعيم.  خلانا  نسال.   عنو

تمساح. اب. كريق. عرش محجر  قيفنا

دة الاسد النتر في الحارة نسمة صيفنا

مريخنا العظيم. روحنا ومزاجنا و كيفنا

بالاهداف  ردم. والله.  اكرم.   ضيفنا

كان.  يوم الخبت.  احمر بلون.    الدم

صنديد الرجال.  فارسا    بفرج.  الهم

حالف.  باليمين. عاهد شفوتو.  قسم

بيدحر. للخصم. للصفوة  قال.  حرم

اسد. الغابة هاج  ورانا حمرة.  عينو

سد الفرقة تب جاب النصر في عرينو

لا خاف لا جفل. ورا. الخصم.  تمكينو

والعاشق الزعيم ان شاء الله ينصر دينو

دة.  الذكرنا باماكو.  واعاد.     الكرة

ما بخذلنا حاشا و ما حصل  بالمرة

فرتاق الصفوف الليلة  مارق.   برة

سمحة المقدرة و ياهوداك عدوك انزر

الايد التصفق. واحدة. هي.  المريخ

هو الواحد صحيح الشرف التاريخ

هو الزان المحافل وللقيم.  ترسيخ

هو الدوخ عدوه وخلي خشمو مسيخ

الانهار   تفور.  خليتا.  لاوي. عجاجة

قول ليها الزعيم الليلة  وراك حاجة

حارساك الشفوت اللي المحن دراجة

مقنع بت فرح واخو. المزند.  عاجة

اقدل يا. الصمبم و اكويهم. الفراجة

العدو والخصم سوي لن. السهراجة

حاشاها النجوم لي دعم ما محتاجة

تاريخ ما خمج. للغمة.  تب. فجاجة

د

زلزال  الملاعب  بدري عقدو.  النية

اخواني الشفوت الما. بعرفو  النية.

الصفوة الكرام.  الما بدورو.  وصية

منصور الزعيم زغرودة يا سعدية

       خادمة المريخ

         سعدية عبد السلام

\\\\\\\\\\\\\\\

بشير مصطفى.. قال كفى

بشير مصطفىعمنا بشير مصطفى مريخي قديم وصميم كاد حب المريخ أن يضيعه.. لما أصابه في قلبه فرقد في العناية أياماً قبل سنوات ونصحوه الابتعاد عن الانفعال أمس الأول كان حضوراً من داخل الاستاد غير آبه إلا بتعليمات قلبه.. أمش خش.. شوف مريخك.. لك التحية من جميع الصفوة.. وهذه صورة له أيام المتواليات ولا يزال يوالي في الحضور.

زيدان يهنئ المريخ بالتأهل للمجموعات

هنأ الكابتن عبد الرحمن زيدان نجم المريخ السابق ومدير الكرة الأسبق مجلس الإدارة واللاعبين والجهاز الفني والجماهير بالانتصار العريض الذي حققه الفريق على ريفرز يونايتد النيجيري وتأهله لمرحلة المجموعات بدوري الأبطال وقال زيدان إن الانتصار تحقق لعدة أسباب أهمها أن مجلس الإدارة الموقر أوفى بكل طلبات المعسكر وحقوق اللاعبين والجهاز الفني ومكان التمارين وتوفير المعسكر والترفيه أحياناً إلى جانب أن المجلس نظّم صفوفه ووقفت كل قطاعاته يداً واحدة ديدنها انتصار المريخ وبذل في ذلك جهداً مقدراً خاصة الأمين العام الأستاذ عصام الحاج وأمين المال د. حقوقي الفريق طارق عثمان الطاهر وأركان حربهم، ثم إن المجلس اعتذر لجمهوره في الولايات بلباغة وأقنعهم بأنه لا سبيل للتلفزة كذلك وحث المجلس روابط المشجعين وكان هو السبب من الروابط هذا الهدير المخيف الذي جعل مدرب الفريق النيجيري يسحب كلامه حين قال: نحن نلعب ضد 11 لاعباً ولا نلعب ضد 50 ألف متفرج بالإضافة لذلك المجلس منع الإكراميات حتى على نفسه ولم يستثنها ولو فعل لا أحد يلومه لأنه يعمل متطوعاً، وكذلك أعضاء المجلس كل واحد منهم دفع 500 جنيه ورغم أن خفض التذاكر الا أنه نال المبتغى دعماً مالياً وجماهيرياً زلزال ملاعب جعل الأرض تهتز تحت أقدام النيجيري، وكذلك الإعلام الرياضي قام بدوره على أكمل وجه وكتب الجميع لمصلحة المريخ الا من قلة هم ناس خالف تذكر، أما اللاعبون فقد كانوا عند حسن الظن وأدوا الواجب وزيادة وشكراً للرئيس جمال الوالي المبادر دائماً بالتحفيز وبالعملة الصعبة، شكراً المصري عاشور وهو يخرج من غرفة الملابس وقبل أن يدخل الملعب وهو يرى الجمهور رجع لزملائه وقال لهم: نؤدي وشنا وين لو ما انتصرنا وتأهلنا، لم أرَ في حياتي جمهوراً مفتوناً بحب فريقه لهذه الدرجة، اما الذين يقولون إن الحشد الجماهيري ليس له مفعول أقول لهم كيف كان أداء عاشور في المباراة، وقد تأكد لنا أن المهاجم الخطير بكري عبد القادر هو مهاجم من طينة المحترفين الكبار، لقد سجل هاتريك وأسهم بفعالية في الانتصار العريض الذي تحقق.

لقد حققت لنا مباراة المريخ أشياء كثيرة جداً تصب في مصلحة الكيان منها وحدة لا رجعة فيها وفريق مليئ بالدرر في مريخ كله دُرر وأن نجوم المريخ يؤكون لنا طمعهم في البطولة هذا العام.

شكراً غارزيتو وأركان حربه وشكراً المدرب الوطني الشاطر فاروق جبرة، فقد بنيت تيماً الاحتياطي فيه في مرتبة الأساس بل يتفوق على كل من في العالم بتغيير النتيجة للإيجاب، وشكراً لرئيس النادي الذي ترك مهامه الخاصة ليشتغل بمهام المريخ ثم يقوم بتحفيز اللاعبين، وشكراً للصدى التي لها القدح المعلى في تأهل المريخ مع تحياتي للأخ مزمل أبو القاسم.

+++

رد على هضربة ود البشرى

الحمد لله وباذن الله الزعيم لعب وغلب وتحدي المحال

بفاتحة عاشور واثنين من الحريف بكري والتكت كمان

بهدل ريفرز النيجيري كتير في الميدان

لعب نظيف وحريف وانتصار ما عطية حكام

أنظف من لعب البرشا كتير ورفع التمام

صال وجال وأبدع في الميدان وأفرح أنصار جمال

بس ترك زول الوصيف حيران ما أصلو كان من زمان

وأخونا ود البشرى كتر هضربتو في الشعر كمان

مرة يقول الحكم ومرة يقول فوز الزعيم محال

ومرة يقول الا غارزيتو يبقى لويس انريكي

معذور والله ما أصلو من لعب الزعيم حيران

أكان رياضي صح بتعرف الكورة والشعر والفن في نجمة جمال

أظنك ما سمعت ولا قريت لسيد الكلمة الرصينة بن البان

ولا القبطان الأديب الفذ حاج حسن عثمان

بالله عليك طالع في الصدى تلقى ود أبو القاسم في كبد الحقيقة كم قال

أصله حافظ قانون الفيفا صم ودا عند الوصيف محال

شوف صاحب الشعر الجميل دكتور عمر ليه كم قال مريخنا فوق وقلبي مكتول كمد عندك من زمان

ياخي دا الزعيم كفر ووتر ومحمود عبد العزيز كمان

فيه أسود من زمان الدكتور عبد الوهاب وبشارة وسانتو وسامي وبشرى وهبة جاد الله وعبده الشيخ كمان

ما بنسى حموري والجيلي عبد الخير ودحدوح قونه لسع مولع نار

أمانة عليك ما رأيت ولا سمعت بحارس عرينه ود بريمة الطيار

وجابو كأس مانديلا وسيكافا وكأس دبي كمان

وانت ورينا حصادك ما أصلو حصادك تعبان

مافيه شئ خلاف الأصفار المن زمان

شوف الزعيم ربنا خصاه بكل كنوز الفن والجمال

وفي الجمال جمال أخلاق وأدب وفهم وعز وجاه كمان

والسلام

ود البشير

 

مقالات ذات صله