من حق الصفراب أن يتأبطوا “واوا”

من حق الصفراب أن يتأبطوا “واوا”

  • أصابت ريمونتادا المريخ العظيم والابهار الكروي الذي قدمه الزعيم في مباراته التاريخية امام فريق الأنهار النيجيري الحاقدين على الأحمر الوهاج بالهلوسة وأفقدتهم الوعي والمنطق وأصبحوا يتصيدون عن الاخطاء.
  • يجب علينا كمريخاب عدم الانسياق وراء الشائعات لان الغرض الاساسي منها شغل الشارع الرياضي عن الريمونتادا وشغل اعلام المريخ عن الحديث عن انجازات الاحمر الوهاج التي تعتبر بلاشك غير مسبوقة في تاريخ الاندية السودانية مجتمعة والافريقية معها بعد الريمونتادا.
  • صنف الاتحاد الدولي “فيفا ” المريخ السوداني صاحب أول ريمونتادا في الملاعب الأفريقية وقرن اسمه مع برشلونة الأسباني وبالله عليكم شوفوا الزعيم برجع في مباراة كبيرة رصدتها وكالات الانباء العالمية والدولية والأقليمية والمحلية بمختلف لهجات ولغات قبائل ودول القارة السمراء وشوفوا وقارنوا بين ريمونتادا الهلال كانت مع مين مع فريق ودنوباوي الذي تعرض للظلم التحكيمي بصورة واضحة وفاضحة وكل التحية لهذا النادي العملاق.
  • من حق الهلالاب ومن حق جمهور الهلال ان يشعر بالدونية في حضرة زعيم الامة الافريقية وبطل الكاسات المحمولة جوا ومن حق الصفراب ان يتابطوا شرا بالمريخ وان يتأبطوا” واوا ” هذه المرة .
  • لكن بصراحة انا مقتنع 100% ان المريخ لاعلاقة له بالفبركة الحاصلة لان قائد المسالة عمرو وطول حياتو ماكسب حاجة ولا جاب جديدة في مؤامراتو ضد المريخ من زمن اسامة امدوم ومرورا بفيصل العجب ومادراك مافيصل العجب وحاجات كتيرة جدا عشان كدة ماتشيلو هم يامريخاب اتعاملوا مع الموضوع كونسة فقط ليس الا.
  • الزول دة رصيدو في حركاتو مع المريخ صفر محلي ودولي واقليمي كبير.
  • حتى جمهور الهلال قنعان من القصة وقال دة شعرا ماعندنا ليهو رقبة والقصة ومع مزمل ووالي الجمال مش حاتقدر تغمض عينيك.
  • الزول دة والهلال متساويين وبشبهو بعض في الرصيد الصفري على كافة المستويات وفي كافة القضايا والمنافسات.
  • وشبهينا واتلاقينا ووسط اصفارنا اتلاقينا وبكينا واشتكينا وماعلينا وماعلينا دة المريخ مش لعب عيال.

اخر الكواليس

  • تجري جري الوحوش وغير هاني السعودي واكرم الصلوي واصفار البلد والبلدان المجاورة ماتحوش.
  • ضربة العجب والزين الظاهر لسة عاملة شغل وضربة اسامة امدوم واسعد التوم مابتتنسي.
  • من النقاط التي يتميز بها المريخ عن غيره ان جمهوره يحبه وغير جمهوره يحبه لدرجة انهم لايستطيعون العيش من غيره.
  • الهلال فائز اسم المريخ في الصورة والهلال خسران كالعادة اسم المريخ في الصورة فلاشك انه قدر الكبير.
  • الزول دة عندو عقدة اسمها المريخ وقضيتي وانا فجرت وان كشفت مثله مثل الهلال يصل النهائي ولايتصور مع الكاس.
  • دائما تاني وعلى طول وصيف وخسران في النهائي ويشكي من التحكيم اقصد التحكيم الهجين.
  • اما عندما يكون التحكيم ابحول الارقام من 2الى 12 صحفي القضايا بعمل أضان الحامل طرشة وعمياء كمان.
  • واذا كان التحكيم اللي بياخد بنية على قفاه حتى يغمى عليه برضو بعمل فيها نايم ورئيس ناديهو بين الشوطين شغال ملاكم وفي غرف الحكام حايم.
  • أين كان ابوالقضايا والنزاهة من أيصال الصرافة التي حولت المبالغ الدولارية الى لاعبي ناساروا النيجيري.
  • النزاهة والشرف لايكونان في جهة آه وفي الجهة الثانية لا .
  • الزعيم في السليم واللي عندو شك يتجه نحو أقرب مستشفى للتطعيم من داء كراهية الزعيم .
  • ختوا في بطنكم بطيخة صيفي.
  • انه الشعور بالدونية وكفى.
  • وكمل كمل يامزمل .
  • [email protected]

 

مقالات ذات صله