رسالة عاجلة الى جمهور الهلال

رسالة عاجلة الى جمهور الهلال

  • فاز المريخ وخسر الهلال وهذا أمر طبيعي في كرة القدم وغدا سيفوز الهلال ويخسر المريخ ولا أنكر ولا أدعي إن فوز المريخ أسعدني كثيراً لأنه كان الأفضل في الملعب فنياً وبدنياً ومعنوياً وكان الأكثر جاهزية للمباراة التي كان واضحاً أن الهلال لم يكن جاهزاً لها من أي ناحية ولذلك ركز على وضع العراقيل والشروط ولأول مرة نسمع في التاريخ أن نادي يضع شرط أن يتم تجريب لاعبين محترفين يريد التعاقد معهم في مباراة مثل هذه المباراة الكبيرة والتي تشكل واحدة من المناسبات الرسمية في الدولة كونها مباراة معلنة من رئاسة الجمهورية.
  • رسالتي الى جمهور الهلال إنه من دواعي حزني وأسفي أن يبرمج جمهور الهلال على هوى ورغبة إعلامه الذي اعتاد على تضليله 1000مرة على مدار اليوم الواحد وخلال كل 24 ساعة يتلاعب اعلام الهلال بجمهور ناديه الغلبان والمسكين والمغلوب على امره.
  • جمهور صبور زي دة وكمل الصبر كلو ما يتساهل مثل هذا التعامل أبداً ياجماعة خليكم عقلانين .
  • أتمنى أن يتعامل جمهور الهلال بالعقل وسؤالي المحوري لجمهور الهلال هل انتقد إعلامكم الفريق وهو يترنح أمام فريق ود نوباوي وهل وقف إعلامكم منتقداً ومديناً ومستنكراً مستوى الفريق الهزيل أمام أهلي عطبرة وهل قرأتم جملة واحدة عن سؤ الفريق وإنه في حاجة إلى عملية إحلال ابدال وإذا كان حال إعلامكم يسركم فلنترككم وشأنكم وربنا يزيدكم في ما أنتم عليه من تضليل وتغبيش للحقائق.
  • الهلال يعاني في كل شيء وإعلامه يمارس صرف النظر عن فريقه المتهالك بشكوى باسكال التي شغلت الهلالاب إدارة وجهاز فني ولاعبين وجمهور أكثر من انشغالهم بإعداد الفريق.
  • الهلال ماشي في النازل وإعلام الهلال يطلق الأكاذيب ويصدقها ويؤكد أن المريخ اشترى مباراة الريمونتادا وحارس الريفرز وقع غلط في الاتجاه المعاكس للكرة والمدافع حول الكرة إلى ركنية والحكم ألغى ضربة جزاء للانهار النيجيرية وسرعة بكري المدينة وصاروخ عاشور غير شرعي .
  • تفنن إعلام الهلال في شغل جمهور الهلال عن التفكير او مجرد الانشغال بالهلال المتهالك والواقع لدرجة ان لاعبيه كانوا يجرجرون اذيال الهزيمة من المريخ قبل ان يدخلوا أرض الملعب وأول هزيمة للاعبي الهلال عندما اصرت إدارته بإيعاز من إعلام الهلال على اشتراط اشراك لاعبين من خارج الكشف وبالله عليكم اسالوا انفسكم كمشجعين لو كان أي واحد فيكم لاعباً في الهلال بكل تأكيد سيشعر بأنه (مافي ليهو أي لازمة) طالما أنا موجود والمدرب يجرب في لاعبين جدد فما هو موقفي ومستقبلي كلاعب.
  • كان في إمكان المريخ إنزال هزيمة تاريخية بالهلال ولكن الصفوة يعرفون كيف يقيسون الأمور ورسالتي الأخيرة لجمهور الهلال إعلامكم مشغول بالمريخ وورطتكم بالدخول في هذه المعمعة واذا ظل الحال كما هو عليه أصبحتم شغالين بالمريخ ناسيين فريقكم راح يجي عليكم يوم وتلقوا الهلال في رقبتو ما في ولا مكان له في الوجود.
  • كل الهلالاب مزمل قال ومزمل كتب وجمال الوالي فعل وجمال الوالي ترك وعصام الحاج قال ونادر مالك سافر وباسكال ماعندو جنسية ومريخ كوستي رفض شكوى المريخ وانتظروا شكوى المريخ من الربطة كوستي والمريخ كان طلع من الرابطة كوستي ما بمرق من الرابطة والريفروز النيجيري اشتكى المريخ والاتحاد الأفريقي قبل الشكوى والمريخ في خطر وهكذا كان الهلالاب طيلة الفترة الماضية .
  • يا أخوانا استهدوا بالله نعم الشعور بالدونية مجسد فيكم ودة واقع معاش وطبيعي ان يشعر الهلالابي بالدونية في حضرة المريخابي لأن للأحمر لسان طويل وتاريخ مجيد يمكن ان يفاخر به على مستوى العالم والهلال في النهاية مثله مثل أي واحد من ابنائه في الولايات والقرى المنتشرة في ربوع بلادنا الحبيبة وبالله عليكم بس داير هلالابي فاهم يوريني الفرق بين هلال العاصمة صاحب الأصفار الدولية والمحلية وهلال بورتسودان وهلال كادوقلي وهلال الابيض وهلال الجنينة وهلال كوستي وهلال دنقلا وحلفا والدامر وعطبرة وسنار وربك والضعين وهلال نمولي وهلال جوبا وهلال ملكال قبل الانفصال وبعد الانفصال شنو.
  • كلو زي بعضو في الاصفار ومافيش حد احسن من حد ويا ادهم بطل طخ اوعك ياعاشور ماطخوش دة سواداني مش نيجيري.
  • الجنوب معانا الهلال صفر والجنوب انفصل والهلال صفر دة هلال شنو والعيب في منو الاعلام واللا الجمهورام الادارات ام اللاعبين القصة دي طويلة وعويصة جدا دايرة مؤتمراستراتيجية شاملة عديل كدة.
  • غايتو الاصفار دي حاجة صعبة خلاص لكن الشعور بالدونية أصعب حسب ما شايف قدامي .
  • الهلال محلك سر من يوم تم تأسيسه وحتى يومنا هذا لا كأس جوية ولا ميدالية ذهبية من الخارج فكيف تتم مقارنة الثرى مع الثريا يا جمهور الهلال استغفروا واقعدوا في الواطة دي واعيدوا صفوفكم من جديد وانسوا المية سنة الفاتت وخلوا البداية تكون من بعد علقة بكري ولا أريد أن أقول لكم خلوا البداية بحري أو الكوبري عشان انا جدي معاكم ماقاعد اتريق.
  • اتمنى ان يراجع جمهور الهلال نفسه ويقف مع نفسه على تصرفات إعلامه معه وخليكم جمهور يقود وليس جمهورا منقادا لمصالح أخرين.
  • نصيحة مني لوجه الله زي ما بقول اخونا حسن محجوب انتو محتاجين نساعدكم بالموية الباردة (وحبتين بندول عند اللزوم) في الايام دي بالذات أي زول يعاني من مرض الشعور بالدونية عليه بالتوجه الى العيادة الفرنسية السودانية المصرية الواقعة في العرضة جنوب للكشف المبكر وجدول الفحوصات على النحو التالي:-
  • مقابلة دكتورالسودان بكري عبدالقادر كل يوم ااثنين من كل اسبوع.
  • مقابلة الدكتور غارزيتو برضو يوم الاثنين الساعة اثنين ظهراً يومياً.
  • مقابلة الدكتور عاشور الادهم كمان يوم الاثنين يوم واحد في الاسبوع برضو .
  • المقابلة في عيادة الريمونتادا يوم الاربعاء من كل اسبوع الساعة الرابعة.
  • للحجز والاستعلام الرجاء الاتصال بالتكت وتسليم الاوراق الثبوتية للنيجيري كليتشي.
  • عفوا الاتصال بالتكت على الرقم 242424الساعة 2 و4 دقائق وممنوع اصطحاب الأصفار.

اخر الكواليس

  • ذكرتني ثنائية بكور وعاشور بعبارة ايداهور والضرب بالدور.
  • الضباح ماكان ساهل ابدا ضبح وسلخ وشلخ وملخ وفلخ وكفخ.
  • لكن بكور وعاشور بالريمونتادا وربنا يكفينا شر العين والحسادة.
  • هدفا بكري وعاشور يطلق عليهما التيمان او حبتين عند اللزوم.
  • حبة سودانية مشايخية جعلية مية بالمية.
  • والتانية عاشورية مصرية نيلية مليون في المية.
  • الحبة الاولى باسكال والتانية واوا.
  • الحبة الاولى كمل ..كمل والتانية يامزمل.
  • الحبة الاولى والي الجمال والتانية جمال المريخ في الوالي.
  • الحبة الاولى غرزة والتانية مع الرافة والعطف والحنان ياناس.
  • ياناس دي ذكرتني هيثم قوون سابقاً وهيثم الزاوية حاليا.
  • حبة شكوى والتانية باسكال.
  • حبة خالدونا والتانية ضربونا.
  • حبة حسونة والتانية اذاعة الفتوى فيها بالليمونة.
  • حبة حسونة والتانية خالدونا.
  • اخبار الشكوى البقت دكوة شنو.
  • نرجع تاني لحبتين عند اللزوم.
  • حبة اكرم والتانية صلوي.
  • ياسلام الكلام حلو وجميل.
  • حبة هاني والتانية سعودي.
  • حبة اسامة والتانية امدوم.
  • حبة العجب والتانية الزين.
  • حبة جاديكا والتانية اسعد التوم.
  • حبة جبرة والتانية جمرة.
  • حبة حبة الليل نعدو نجمة نجمة.
  • حبة ريمونتادا والتانية شكوانتادا.
  • وحبة اسمها الرمادا الكالت حمادا .
  • اللهم قنا شر الحاقدين والحساد.
  • قولوا آمين ومريخنا محروس بياسين.

عصام هجو

[email protected]

 

مقالات ذات صله