مباراة مودع

مباراة مودع

اخنيار الابيض لمباريات المنتخب اختيار موفق

تفضل من اختيار مازدا مدربا

مازدا اصبح يدرب المنتخب بطريقة اداء الواجب

حني اخنياره للاعبين اصبح مكشوفا

الابيض لو اعطنمت هلال الابيض ليلعب باسم المنتخب كان ما قصرت

مفروض كان ابراهومة يلبس اولاده شعار المنتخب وبس

مدغشقر اشهر زول فيها اسمه احمد احمد

رئيس الكاف عديييل

عتدنا هنا اجمد وعندهم احمد

اجمد من تجميد

وامبريالة من امبرا

المهم

المنتخب اليوم يلعب وسط ارضه وبين جماهيره

لان جماهير الابيض لا تبخل عليه ابدا

ممكن في الخرطوم هنا ناس مدغشقر يلقوا تكتل اكبر

لانو ناس الخرطوم اصبحوا لا ياتون لمباراة لا يضمنون نتيجتها

انتهي عندهم زمان الفرجة والتشويق

الا يضمنوا انه اي حاجة تمام

ومع المنتخب ولا حاجة تمام مافي

معسكر كسيح

واتحادين

اي اتحاد جاري لحتة

بتملخوا يدين الكورة كده

المهم ايضا

السودان اليوم يلعب مباراة مودع

يمكن تكون اخر مباراة ويجمدونا

التجميد مع الحر الشديدة دي بعمل التهاب

احسن مافي مباراة اليوم ان حارسا جديدا للمنتخب سيلعب

المعز واكرم ديل حردوا الناس المنتخب

احمد عبد العظيم حارس عظيم

شبهو بعنكبة اصلا ما ضراه

لكنا نسأل قبال تجميدنا بي ساعتين

هل يستطيع منتخبنا ان يخصد اول واخر نقاط

هل مازدا قادر علي الثلاثة نقاط

ام ان الثلاثية الا في المنتخب

المباراة بالليل ما عايزين كلان عن الصيلم وتاثير الصيام

غزوة بدر الكبري كانت في رمضان

السودانيين بالليل كلهم شغالين رياضة

امشوا الساحة الخضراء بتلقوا في ناس اكبر من سر الختم جاكة

اي زول هتاك جاك

في جماعة كرشتهم بتصل قبليهم بربع ساعة

لكن يجي المحترفين يقولوا ليك كنا صائمين

المهم

الفيفا دي لو باعت لينا التلج قولوا ليها ما عندك ابرد من كده

تلج الفيفا العاوزة تجمدنا بيهو ده لو دخل البلد دي بتعبنا

حا يبقي في تكسير تلج مستورد

نحناجين لتلج بشدة

نهار رمضان سخن

درجة الحرارة وصلت عمر كاريكا

46 درجة مئوية

شكر الله عز الدين بعد الفطور منشف ريقنا

الزول ده مفروض يلاقي معتز صياحي في سنترليق الهبوط او البقاء

السر قدور كل سنة يجيب لينا فنان تمومة جرتق

الفيفا دي ما بتقدر تجمد لينا بعض البرامج التلفزيونية يا ربي

اولاد الفنانين يغنوا لينا ونحن ساكتين

لكن كمان اولاد الاعلاميين يحوا يتعلموا فينا

كتيرة علينا

المهم

دعواتكم للكرة السودانية

اخر نظرة اليوم ما تفوتكم

همت بعد استقال من اتحاد الخرطوم حالف ما يبقي زي صلاح ادريس

صلاح ادريس استقال من رئاسة الهلال ليكون رئيسا للاتحاد

وما قدر

لليلة لا قادر يجي رئيس الهلال لا قادر يجي البلد

 

مقالات ذات صله